بقلمي / السيد محمد 

   ( بعد موتي )

أول ما روحي لخالقها تصعد..

لما ضحكتي تهجركم وتبعد..

لما وجودي يتنسي والأيام ولا تتعد..

أفتكروني صدقه ،،

وما تعملوش بيني وبينكم سد..

وأفرحوا لأني رافض الأحزان،،

 والدمع اللي علي الخد..

أنا أقصد يكون ما بينا ذكري،، 

وعلاقه قويه وصله ما تتهد..

فيها أيه لو بعد موتي العلاقه ما بينا تدوم،،

 بدعوه جميله من قلب مخلص بيحبني بجد..

متستغربوش من مُر كلامي،،

 الموت كأس وهشربه و لا بُد ..

مهما يُمر العمر بيا الموت بيخترق أي حد..

الموت حقيقه مهما نهرب،،

 زي ما عدي الأمس هنلاقي الغد..

لا بد من البنيان يتراخي مهما نقويه أو يتشد..

فدعو الإجابة في القلوب،،

 ولا ترسلون لي التعليقات أو الرد..

ف يقيني برحمة ربي،،

 مهما صعُب عليا الأمر أو أشتد..

بقلم/ السيد محمد