وقال فرحان ومتعشم 

وفاكر انها سهلة 

وفى الاخر طلع يحلم 

مع انها مش مستاهلة 

ماتتعشمش فى الناقص 

وخلى عشمك كده فى الله 

ماهو الناقص عشان ناقص 

يرازى كتير فى خلق الله 

وقال فرحان ومتعشم 

عاشرنا كتير وشفنا كتير 

شغلنا بالنا بالتفكير 

مع ناس ماتعرف الاصول 

وكله صغر كده فى نظرى 

ماعدش فيها حد كبير 

ولا تعشم ولا تميل 

ولا ترمى الحمول على حد 

خلاص شفنا الكبير عيل 

ومش ممكن فى شده يسد 

وقال فرحان ومتعشم 

فى دنيتنا تعيش عالقد 

ولا تزود ولا تقلل 

ولا تصاحب غير اللى يسد 

لو انت فى شدة بيميل 

صحاب فى الفرح بالدسته 

وفى الشدة متلقاش حد 

وادام نظرك بقى سته 

خلاص المرادى خليك جد 

وقال فرحان ومتعشم 

ولا تسأل على اللى يبيع 

عشان ماصنش لقمة عيش 

وانسى الماضى كله وبيع 

اللى خان فى يوم بشويش 

وقال فرحان ومتعشم 

كلماتى محمد تريكة تريكة