زجل

( إكتفاء ذاتي ) 

إكتفاء ذاتي مشكلة مولاتي

فوق عن مية سنة. 

تقرف حياتي

أصحى الصبح أروح الشغل

أزرع وأخلع وأجمع فل

وأبني مصانع و أعلي بيوت

نازل طالع على ورق التوت

علشان الصوت؟

بيزعجها يوماتي

قلت أنا عبد أعمل باليد

وإنت المخ ديري بجد

إنت أو جوزك إتعلمتم بره

لما أعوزك؟ 

ماتقوليش مش فاكرة

ولا تلوي لي بوزك

قدام إخواتي

إكتفاء ذاتي مشكلة مولاتي

فوق عن مية سنة. 

تقرف حياتي

كلمات

حربي علي

شاعرالسويس