صاحبت صاحب من توبي

وقولت قدري ومكتوبي

خليته في حمايا وضلي

وقولت خــــلي ومحبوبي

خبيته في عيوني ورمشي

وكنت ب أسهــر ولا أنامشي

مل الدفا وقال لك ح أمشي

الله يعوض علي قلبي

كاتم همومه ومخبي

صابر وســـاكت ومعبي

كان ذنبي إيه بس ياربي 

سنين ب أكبر وب أربي

آخرتها ليه يهجر حبي

ويسيبني تايه في دروبي

راضي ب قدري ونصيبي

ألومه ليه ودا كان عيبي

وأنا إللي قولت إنه حبيبي

وساقيته من نبع حنيني

خفي البكا شويه ياعيني

دمعك لهيب يحرق توبي

سعيد الضو