الغيرة مرة 

والقلب ماحبش غير مرة

و هو ولا علي باله بالمرة

يضحك و يهزر 

و معايا يكشر 

و ان جيت اتكلم

يسكت و يبللم 

مع غيري في الكلام معلم

أسكت مش نافع 

وكلامي لقلبه واجع 

أعمل له عمل يجيبه راكع

شوفوا لي حل يحل المواجع

بحب و القلب مش طايل 

في حبه شوفت الهوايل 

والغيرة عليه عاملة عمايل

والكتف تعب من كتر الحمايل

و هو ولا علي باله 

عايش حياته

البيضة يحبها والسمرا تعشقه

اصل حلو بصراحه 

ولا كلامه و عنيه وسلامه

خطفني بحنانه 

بس لو ماتزوغش عيونه

 💖 إيمان سعيد 💖