فى قلبى بقلم أحمد شاهين

قوللى ليه دايمآ تغيب

وانت كنت أقرب حبيب

لسه زعلان منى يعنى

لسه بتقول دا خدعنى

كله وهم وأكاذيب

اللى فرّق بينّا وهم

كان مجرد سوء فى فهم

لو فاضلِى بس سهم

من حنانك مش هاسيب

هفضل أترجاك بشوقى

وأعزفك نبض فى عروقى

من ضياك يبدء شروقى

دا انت للقلب النصيب

قولت أسف وبصراحه

غلطِتى كانت وقاحه

قلبى محتاج للجراحه

وبإيديك إنت الطبيب

لسه مستنيك تعالى

دا الفراق بينّا إستحاله

عقلى قدم الإستقاله

واللُقا بينّا قريب

كلمات أحمد شاهين