…….. سجل يا تاريخ ………

***********************

سجل يا تاريخ هنا عن غزة 

بتحارب بس لوحديها 

وبتهزم ولدول العالم 

علشان مولانا اللي حاميها  

أمريكا وبريطانيا العظمى 

ودول قبليها وبعديها  

غزة وجنودها وقسامها  

إيمانها عظيم بيخليها  

تتمنى الموت وبتسعاله  

بشهادة تنولها وترضيها   

*******************

سجل يا تاريخ هنا عن أخوة 

صبحم أعداء مش منينا  

واتفرط العقد هنا بغزة 

وأهي فرزت خونة وادينا  

أعداء للدين أكتر منهم   

وتحالفوا معاهم وعلينا  

واتكشف قناعهم واهو بانو  

على أسوء صورة بوسطينا    

كأصحاب السبت بخستهم 

وكأخوة يوسف عندينا ؟ 

********************

سجل يا تاريخ هنا ع الخونة 

من باعو الأقصى وباعونا     

بحفنة دولارات وياريت أكتر  

وبتمن وبخس وعادونا   

وأملا الصفحات هنا وأفضحهم 

عرف أجيال جايه بعدينا  

عريهم وأظهر حقيقتهم  

عورتهم ظاهرة أهي وسطينا  

ولا ورقة توت تستر ليها 

أصل اللي فاضحهم بارينا   

********************* 

سجل يا تاريخ وأكتب وأكتب 

عن موت أطفال بفلسطينا  

بصاروخ وقنابل ومدافع 

صبحم أشلاء مع أهالينا  

والعرب سكوت وسكوت مرعب 

يرعبهم هما ويدينا 

قوة وإيمان والصبر تمام  

ده الصبر سلاح بيقوينا   

والرب كريم موجود وعظيم 

لا هيخزي ولا هيخذل لينا ..

بقلم .. ياسر فؤاد الجدي   

الأربعاء .. ٦/١٢/٢٠٢٣