===== فين الضمير =====

بالذمه ياناس دي ناس 

ولا إحنا كمان مش ناس 

ناس بتفرم ناس 

ويقولوا عايزين حماس 

طب فين دول حماس 

حماس طفل رضيع 

والستات هما حماس 

والكل يموت صريع 

وكل القيم تنداس 

فين الضمير ياناس 

من ناس وسط النار 

وتهد بالألف دار 

وتشدد عليها الحصار 

وكل مكان دمار 

وأساطيل ماليه البحار

ويقولوا فين حماس 

البنت الصغيرة تبكي 

هاتولي تاني أمي 

أمك ماتت شهيدة 

والطلقة جات ف الراس 

والطفل من خوفه يبكي 

لضمير الدنيا يشكي 

مات فينا الإحساس 

الجريح بجرحه ينزف 

لحد ماروحه تطلع 

وعيون بالدم تزرف 

ياظالم امتى ترجع 

ياضمير الدنيا ارجع 

واحمي ناس من ناس 

بقلمي 

صلاح شعبان الفيداوي 

القاهرة 

٤/١٢/٢٠٢٣