بشعر العامية المصرية 

       ( علمني ) 

في ايديا غصن الزتون 

وفي التانيه شايل مآسي

والوقت ما فيهوش سكون    

والصبر ماسك في راسي 

أصل الأمل في الدنيا

مش جاي أبدا مقاسي

وأنا المقصود بالعِنْيه 

ولا حد فاهم إحساسي

*****. *****. *****. *****

يا جبل ساكن في قلبك الحجر و يا الحديد

قلت لك سَكّنِّي جنبك وافارقك لما تربد

علمني العزيمه بقوه خليني شخص جديد

علمني فن الفتوه وأكسر للشيطان إيد

والناس تقول مين هوا وتشاور تقول وتعيد

علمني أغوص في الصعب وأفتت صلب الحديد  

وارد الحقوق للشعب وارجّع هيبة العبيد

وأقول للظلم كفايه سكتك تهلك تبيد

وأرفع للسلام رايه واخلي كل يوم عيد 

وأقول للعابث اللاهي والفظ والعربيد

كفايه الدنيا في النازل والوبا حاصد حصيد

لو كنت عامل حسابك تعيش العمر المديد

افهم وخلى بالك مين دا اللي عايش سعيد !!

*****. *****. *****. *****

بقلم د / عبد الرحمن فتحي الحناوي . 

من مصر . 

الأحد ٣ من ديسمبر ( كانون الأول ) سنة ٢٠٢٣ .