أهو جينا الدنيا وح نسيبها

وح نمشي ما نعرف ألاعيبها

بنعيشها ب كل ما فيها

نداديها ونصبر علي عيبها

فيه ناس موهومه وب تحور

وتدور علشان تملي في جيبها

وتحارب علشان القوت

وتموت وبتمسك تلابيبها

فيه ناس عشقتها وحبيتها

عرفـــت دهاليزها وسكتها

وإن خش جنيه جوه في بيتها

مايطلعشي غير علي جتتها

ناس عايشه بتحسب مكاسبها

وهي ناسيه إنها ح تسيبها

وفي الآخره ربك يحاسبها

وفيه خلق المولي مبصرها

وهاديــــها منور أبصارها

عارفينها ما دامتش لحد

والكل مســـافر وسايبها 

سعيد الضو