بناقص وغلاوتك بناقص

كان ناقـــص إيه عليك

بعـد ما حفيت رجليك

تجامل في الهمايل

وتسند حد مايل

آخرتها ما عنت طايل

واحد يسأل عليك

ما صعبش عليك سنينك

وحزنك ويا أنينك

ترضي ربك ودينك

آخرتها دمع عينك

مصعبشي علي الوطا 

دي ناس متمغنطا

تلزق في أي عمله

وتعيش متشعبطا 

والحله العوجه ترقص

وتدور علي الغطا

إنسي يا صاحبي ناس

ما تســـوي غير مداس

وشوف مقطف وفاس

وإرمي بلااااااا مرمطه

وشوف بشــــر جديده

لـو تبقى علي الحديده

مادام روحك سعيده

وم الفرحه مظأططه

مادام تلقي المحبه

وحــزنك يستخبي 

ما تفوق يا عم حبه

وكفايه مأمطا

سعيد الضو