سكك مليانة دموع وعرق

كنز مدفون في نفق وخريطة من ورق وسكك مليانة دموع وعرق

اجري بسرعة هات فأس وغلق احفر دور علي حلمك اللي انسرق

وحلم الجعان بالعيش والمرق تتعب ومش هتلاقي غير زهق وقلق

تفيض دموعك تنزل غرق وتستني زمانك وبالنهايه دمك ينحرق

مفيش نصيب ادوق الرمق مكتوب اعيش فقير اموت اغور اندعق

الوقت يطول وسط النفق الحلم ضاع وانسرق ومفيش غير العرق

العقل يثور وبلحظة ينغلق دموعي تنزل افضل احفر واستني الحلق

الشاعر مدحت فضل