بنتلكك عشان فرحة 

تنسينا هموم جارحة 

ونضحك حتى لو فى الضحك 

تدارى دموع سارحة 

وبيقولوا على وشوشنا 

وشوش قريبة وسِمحة 

وبيقولوا على قلوبنا 

قلوب طيبة مسامحة 

وبيلوموا على عيوبنا 

يلاقوا عيوبنا متصالحة 

ويغوى الشيطان روحنا 

يلاقيها مؤمنة وصالحة 

حتى الإثم فى ذنوبنا 

محيناه بسجادة وسبحة 

طب ليه يادنيا مش سامحة 

تفاجئينا وتاخدلنا 

صورة ملونة وواضحة 

وتراضى أرضك المالحة 

فتهدينا زهور طارحة 

وإمتى تبطلى غرورك 

يادنيا مروحة ورايحة 

سلوى محمود