قصيدة بعنوان

(البكا على الحبايب؟؟؟؟!)

البكا ياريته ينفع

ولا الدموع مستاهله

فيك.  

لم تمشي أرمي سلامك

قلبي مش راح يحزن 

عليك.  

كنت فاكر إني هاموت.  

جره هاكسرها وراك.  

ال فايت حبيبه فايت. 

سايب ايه ندور عليه. 

كنا بنسوي الهوايل.  

لطلة من نظرة عينيك. 

قربنا نركع ونصلي ليك

قربنا حتى نبوس إيديك.  

إنت نسيت إن قلبي.  

حبك وعشقك وهايم

ومغرم بيك……..

 إنت نسيت إني 

طول عمري جنبك.  

كنت تشكي تلاقيني 

طير بيرفرف بجنحاته. 

وبيتحنجل حواليك.  

كنت تطلب أو تشاور.  

ألبي طلبك قبل ما تناديني.  

وتلاقي كلي كلي

شبيك لبيك تحت

أمرك وليك.  

يا خسارة على الحبايب.  

لما يفسدها العناد.  

والنكد يعكر صفوها

والحليب يبقى على

 وشه التراب

والوجع من بختنا

والضحكه ال فارقت 

الشفايف الغايب ملوهش 

نايب لا في حنان 

ولا في موده.  

على فكره لما تمشي. 

قلبي هايشفا فيك.  

هاسيبه يرتاح ويهدا.  

لأنه كان مريض بسببك

 لما هاجرته.  

وفعلتها وسيبت وليفك.  

ال كانت روحه تناديك.  

الحزن خلخل ضلوعنا  

الهموم شيلة تقيله.  

الصحه معادتش هي

والعمر نزف سنينه. 

وال باقي يدوب بواقي.  

وأديني في الموت

منتظر مع الحضور

ساعتي و دوري.  

 والقبر فاتح لي فمه.  

 كله من فضلة خيرك.  

الله ياحبيبي يعافيك.  

كنت أقوم الفجر أصلي.  

وأدعي عشرتنا تدوم.  

كنت أقول أهي أمي من

جنب تدعي.  

وأبوي الله يرحم زمانه.  

رغم شدته والمرض 

ال فيه كان بيدعي.  

والحيطان وأركان الغرفه

إسأليها كانت بتدعي.  

إن ربنا يهدي العاصي.  

ويرجع حبة العقل 

ال فينا وربي يلهمني

صبر وأنسى حبه 

من ماضيك.

كانت ذكريتنا جميله.  

كانت فيها من دا ودا

كنت تضحك كنت تلعب. 

وتهزر ونكت مطره

نازله تلطف الجو.  

ونحكي ونقول قصص

كتيره على راح وعلى

ال جاي على مستقبل.  

ولادنا دا ديت بكره 

تكبر ودا مسيره راجل.  

كانت حكاوي وقصص

كتيره وأحلى مافيها.  

دلالك وغنجك وهمسك.  

وروحك الجميله.  

ال استحاله أنساها.  

ذكريات هتواسيني.  

بعد هجرك وبارضو.  

هاتواسيك……..

 البكا ياريته ينفع.  

ولا الدموع مستاهله

فيك………….

الله يعوض علينا.  

ويجبر ال الكسرة ال فينا.  

ويصلب الضهر ال

محني ونصبر على

الحزن ال باقي.  

 وال يرضى بيعيش

والأيام رغم طول

ليلها وظلامه 

هاتناسيني. 

وكفيله إنها برضو

هاتنسيك………..

24/11/2023

(ترنيمات وخواطر.بقلم………….)

(شاعر العاميه/خيرى حسنى….)