أشتقت لك والغلا قرب يضيعنـــــي

والخاطر اللي صبر مل وقضا صبره

بأعلمك شي وأفهم دام تسمعنــــــي

من واقع التجربه والوقت والخبــره

لو الخلايق على حبك تنازعنــــــــي

يبطون ماحركوا فيني مــغز أبـــــره

ماغيرك أحدن قوى قلبي وولعنــــي

وغلاك عندي وسط القلب ياكبــــــره

لو بأتكلم غزير الشوق قاطعنـــــــــي

مكسور خاطر والمكسور وش جبــره

يخونني الوقت والغيبه تصارعنـــــي

أكتب وحتى القلم خان ونشف حبره

رجعتلك والغلاوالحب رجعنـــــــــــي

ياحي.. هالشوف والضحكه..وهالنبـره

غيرك من الناس لو حاول يطالعنــــي

أصد عنه ولا أشوفه ولاأعتبــــــــــره

*الاأنت*يالشاري اللي منت بايعنــــي

نظرة عيونك صفا لو ليلتي غبـــــــره

وأن كان ودك لدرب الحب تدفعنــــي

قلبي يحبك ولا يحتاج تختبـــــرررره

بقلمي عبدالغني يوسف ابوربيع الشراري