أنا كل يوم 

قبل مايجيلى نوم 

أمسى على كل الحاجات 

واراجع كل الذكريات 

ياخودنى ويجيبنى الحنين 

للى عايش واللى مات 

أفتكر كل الآهات 

تدمع العين من سكات 

أطبطب على قلبى الحزين 

اللى أصبح كوم رفات 

أنا كل يوم 

بعد ما اصحى م النوم 

أصبح على كل الحاجات 

يضحك الصبح لعنية 

يغمزلى بكل الأمنيات 

أفتح الشباك لشمسه 

أنتشى زى النبات 

يبتسم قلبى للمسه 

ويتكسف زى البنات 

واحلف إنى هنسى أمسه 

دى الحياة سكر نبات 

سلوى محمود