قصيدة بعنوان

(مصر؟؟؟؟؟!)

مصر. 

أم الدنيا رغم أنف

الحاقدين.

لكن إنت تقول وتتعب

 وتفهم الكلام

لمين. 

صلي على حضرة نبينا

سيد المرسلين

وياريت تقول طبعا

آمين. 

مصر. 

 قلب وإيد ومأوى

الكل وقلبها طيب

حنين. 

مصر. 

 ربي في قرآنه ذكرها. 

ووصى رسول كريم

آمين. 

مصر. 

آيه فيها ربي قالهاأدخلوها

 سالمين. 

يالي متعرفش بلدنا. 

 مصر عنوان 

للذاكرين. 

علمها سافر بلاد تاريخ ومجد

يعقوب زويل شعرواي 

وغيرهم شيوخ وفقه وشريعه

قضاء وحد سيف على رقاب

الطماعين. 

فيها نيل وأهرام ومعجزات

للعارفين.  

فيها أزهر جامع كنيسه. 

هي أصل لكل

دين.  

مصر. 

مناره للحضاره قولت حلو

أو قولت شين. 

هي بيك أو غصب عنك

هي نبع الطيبين.  

فيها شريان للحياة لي فيها

أغلى قلب ولي فيها

نن عين. 

لي أرضي تراب وقبر بيت 

ودار زرعي يطرح نخل عالي. 

لي أب ولي أم ولي 

أخت ولي إبن ولي بنت 

ولي زوجه مهما قولت

في شعري وأكتب 

مش هاوفي حق ليها

لو فضلت أكتب

سنين. 

مصر.

 يالي متعرفوش راسها فوق. 

 في العالي فوق إستحاله

تخضع جبين. 

مصر. 

ورثة الأنبياء وزيرها يوسف. 

ولا ناسي قمحها كان سنابل

أكلت المحرومين. 

مصر.

لما قالها ربي إهبطوا فيها. 

كان قاصدها 

لأنه عارف مهبط للأنبياء 

موسى وعيسى وإبراهيم 

وإسماعيل وإسحاق ويعقوب 

ويوسف ووصى بيها صلاة

الزين. 

مصر.

عنها لما أحكي بدي ساعه 

بدي يوم بدي شهر 

إستحاله إنه يكفي هافضل 

أحكي لما أموت 

لما أوصل عند قبري. 

 هلاقي بعدي يحكي إبني. 

إني كنت عنها قايل

هي أصل

المؤمنين.  

مصر……….

10/11/2023

(ترنيمات وخواطر.بقلم……….)

(شاعر العاميه/خيرى حسنى.)