قصيدة بعنوان 

(قد تكون ؟؟؟؟؟!)

قد تكون الكلمه عندي مش

كفايه. 

قد تكون الكلمه مش سبيلي

ومش هدفي وغايه.  

قد تكون مهما قولت مش حد

سمعها أو قريها. 

قد يكون قلمي ما يحركش ساكن

أو حرفي ملوهش أثر أو هامش

على طرف ورقه من الديباجه

أو سراب لكنه له صدا صوت

في النفوس ماهوش وشايه. 

و الكلمه في حد ذاتها

وفي إعتقادي ليها

عندي ألف حكايه وحكايه. 

هي موت طفل بريء.  

لا له ذنب في حرب

 أو طفله ماتت بدون عنايه

لما أدعي وأقول يارب نجيهم

من المهالك لي رب سمعها

مني وأخص غزه المهم يكون

قلبي نظيف من النفاق 

ومن الرياء وأكون صادق 

و هي دي أصل الربايه. 

مش هاقول عملته أيه لأهل

غزه لأني عارف كلنا 

عاملين عمي ووجوهنا كلحه

بدون درايه.  

خلوا الحرب لأهلها مين 

هايجيب حق الطفل ال مات

شهيد قدام عينينا هل ها يرجع

ويروح مدرسته ولا مات وانتهينا

واكتير صبايه.  

خزن الفلوس في كرشك 

وكل واشبع

 وغيرك مش لاقي حق الرغيف

ليك يوم الدنيا دواره ولا

فاكرإنك إنت ملقاش نهايه. 

 كان غيرك أشطر هز طولك

وأتمطع قوي وأعمل مطنش

والدموع بتذرف دم 

على الخدود وإنت تضحك

إضحك ياعم وإعيش على

لحم البغايه. 

عارف إن كلامي مهما قولت

لا هايرجع شهيد لأهله

 ولا هايبني بيته بس قولت

المهم يكون من قلبي

ومش لوحدي لا 

دا اكتير معايه. 

9/11/2023

(ترنيمات وخواطر .بقلم ………)

(شاعر العاميه/خيرى حسنى…..)