خيط الروح ….بقلم الشاعر العابد عبد الرحيم 5 نوفمبر، 2023 بواسطة souadchahidai / خيط الروح ——————/ ( حديث الروح للروح حديث لكل قلب مجروح.! ) (زجل) خيط الروح أمل في عنق الشعب جوهر ذر مفقود و الأمل أمل باقي كذبة تابعة كذبة ضربة تابعة ضربة و الأمل امل باقي هذا ايغازل وردة.! انا انغازل الشوك.! * سعدي فيه موجود أو تابعني بلية.! الرايحة رايحة ماشية بلا عودة اللٌي دار الخير بالخير انذكروه اللٌي دار الشر إخ منو ألف مرة إخ من افعايلو بالوحدة إخ منو او من اضنايتو لا ذكرو ألساني ولا كان جوهر الماجي ماجي ايعيش ايامو يدخل بالصرخة ايواجه امحاينو الدنيا هذا حالها مَرَة مُرٌة مَرَة ليك مَرَة عليك * مفروض وجودها علينا غير ساير سيدي لا اتنافق.! اللٌي اعطاتو يفرح و ايغني ليها اللٌي ركلاتو آه ايكافح باسلاحو يدخل صف الوحدة…………..ايقاوم من قاوم راجل ما لو امثيل مذكور جيوش سر من دراويش وَاخْرين عالم الله بهم تبحث على لقمة العيش خويا انت واحد منهم قالوا احرام عليكم قالوا احلال علينا فتلوا حبل من الحلفة والدوم خرجوا سر لمعاني شي كلمات غارقة.! * الضرب والجرح وشمة عار ما اتزول.! والشريط كتفوا به كل ازعيم انساوا السترة و الحافظ الله لا خاوة تنفع لعداوة زايدة واللسان اطويل ايقول باقي يشرح و ايزيد و الفاهم فاهم لغشيم يضحك ضحكة لهبيل لهبيل بلا اعقل لا اتلومو يا ذا.! *نداوا على مول الزهو يزهى بالخمرة والكأس.! بين الورد والزهر والسواقي جارية قالوا : عش……..وارتاح تمة الظل و الراحة نعمة * الفقر و الزلط نقمة وانت من لخيار.! ابغاتك شاءت لقدار تعطيك.! ————— وحدين ———— بناوا النشبة ايصيدوا المحال ما صيدوا صيد ريم ولا اغزال بقات الشبكة عليهم شاهدة.! ما اتكلموا ما ادواوا ضربوا الطم سكتوا.! الرايح رايح ودعتو شيعتو بالقلب الماجي ماجي شفتو بالعين ماجي * زغردات الحادقة فيهم غنات.! غنات للويل و الذل غنات للفقر واعذابو غنات بكلام موزون فيه امعاني اتكلمت و اتكلموا…..شي نسوان قالوا : مالها مالها ذيك السمرة صمكة؟ ابقات ترقص حثى اصبح االحال طفى قنديلها والشمعة دمعات * اعيات خرجت تابعها انعاس ليلة! طلعت الشمس ضااحكة ضحكة المسرار ف ايامو قالت : كاان موسم و اللاٌ حركة فين ايامكم يا رجال الله الكحلة لينا…البيضة ليهم من دار شي يتطلا به لا كفاه صابون تازة.! * عش ايامك يا الداخل بالنخوة.! احكم اقتل سجل أو قول ليهم.! جمعوا خيامكم لوحوا اسلاحكم ركبوا احميركم بيعوا ابلادكم قتلوا اولادكم * الحاضرمعروف والغايب حجتو معاه.! الحاضر ايبلغ الغايب.! و اللٌايم ايلوم راسو.! و العداو العداو العادة مرفودة.! يا اصحابي فالله قولوا فينكم.؟ ما تسمع خويا غير اشٌا و الرٌا.! والمنغاز في ضبرة لحمار ينغز.! نطعت لغزالة نطعت مرة نطعت طاحت فالشبكة.! سربة الخيل بَرْكَتْ والخيل اعيات دخان لمكاحل ارجع اعجاج ارجع اعجاج يعمينا غمامة وابغات اتطيح تعمي لعيون الكحلة * به كَحْلَتْ ذيك الشادة فالحبل.! * ربي كتب علينا مكاتب الخير.! *و الليل إلى فات ساعتو واطوال.! * ايفجر اقلوب حاملة كثرة لغمام.! خيط الروح امل في عنق الشعب جوهر ذر مفقود أمال عز و انتصار نحلم اقريب.! علمني التاريخ بعد الحرب هدنة.! المفروض أنأديه وانقاوم عدياني.! من قاوم راجل عز فينا واشهامة.! من اشرى لحموم يتطلا به لا فارقو حبي معروف في أرض لأنبيا انزورو فلسطين طابع خاتم في قلبي ساكن من قال غيرو ما احبيب و لا ايشوف ليها امقام خوفي من عربان خوفي على عربان غير عدٌي و اعطيه يوم جاتك…….هذا.! * ايثور من إيثار يغضب ايحقق مبغاه يا حاكم بالعار لا تنساه ساعة لحساب…اقريبة! تشعل نيران اكثيرة اش جا ما يطفيها لعدو أعدو ولو جاك في صيفة احبيب * ايديرك احطب ايزند به نار الكره والغيرة.! مولى نوبة عارف لوقات ايجيكم غفلة يا جاهلين * خوفي عليك يا من شداتو المصيدة.! (( ان تداخل الكلمات والمعاني في بعضها البعض مقصود وهو غاية لأمر ما..! )) ————————– الأستاذ /العابد عبد الرحيم : 02/11/2021 ملهمتي الفقيه بن صالح المغرب تكتب للجميع نقح بتاريخ : 03/11/2022 شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 