قالها شاعر شراري ياغشووووم

ياقلم دون في التاريخ مقالي

وانت وقع يازمن واوضع ختوم

لاجل مابعض البشر تنكر فعالي

معنوياتي علت فوق النجوم 

في شموخي والثبات مثل الجبالي

كفو ماعندي فالاعداء والخصوم

الرجوله ورث و اوصيها عيالي

جيد وافي في دفاعي والهجوم

لاقبلت سود المنايا صرت سالي

ابتسم لاقبالها وازداد عزوم

واستمد العون من الله في نضالي

كل مقدور ارتضيه مافيه مللوم

حكمة الله خير حاكمنا ووالي

القناعه تجعل اعياني تنوم

مايقهدها الطمع واخطر ببالي

اعرف الرجال من حال القدوم

وافهم الهراج من ساع الوصالي

اعرف ابن الصقرباز و البوم بوم

ذيب واضع للغراب سوء احتمالي

لارايت يوم الدبور حولي يحوم

اقهزه من سب يقفي من قبالي

من علومه زين شاف خير العلوم

وللمشينه قبر في ساح القتالي

للكرامه والاباء بادفع رسوم

لاجل عزي ماغلاء دمي ومالي

نفسي اعتادت على زينه وشوم

عاالشرف والعز اذوق المر حالي

ان يضيق الحال شديت العزوم

ولاستوت مال الغرور عندي مجالي

شفت من بقعا سلاها والهموم

ماحدن في طوقها نال الكمالي

المواقف للرجال مصنع خدوم

تخرج الرجال من اشباه الرجالي

النشاما مثل عجات الطقوم

ترفع المقدار فوق الكل عالي

الوفي فالقلب ذكراه كل يوم

ومستحيل العقل ينسى كل غالي

صاحبي من لبني وقت اللزوم

في فرح في حزن في ظلم الليالي

اكرمه من قبل ماالقاعد يقوم 

واستجيبه في زمن طرح السؤالي 

صحبة اصحاب المصالح ماتدوم

الثقه ماتحتمل وهن الحبالي

وصحبة الفسل الذي ماهو حشوم

لاتطاوعيني ولاتسكن خيالي

ماينسيني الخطا حب الغشوم

ولايطهره المطر تالي بتالي

كم مجالس شر ها ينفث سموم

من دخلها مايرى غير النكالي

تقلق الراحه وترث لك غموم

تحسد النعمه وتتمنى الزوالي

كل نظرة خبث منها كاالسهوم

حاقده فيها مرض مزمن عضالي

القبايح فعل الانذال الرخوم

والجمايل شيمة اصحاب المعالي

بايصفي الجو من بعد الغيوم

والحقيقه شمس تشرق لاجدالي

ماتجي الحكمه من الناس الغشوم

للشهور ايام يحكمها الهلالي

ختمها ذكر الصلاه دايم تدوم

عالنبي المختار محمود الخصالي

بقلمي ابوربيع الشراري