إنتا الشهيد …بقلم الشاعر محمد صادق 27 أكتوبر، 2023 بواسطة souadchahidai #إنتا_الشهيد_ياابني إنتا الشهيد ياابني مُوتك في الوريد صابني كبرت كتير وربيتك وحبيتك وجوة جوة القلب داريتك وفضلت أعَلِّي فيك سنين وابني وكنت اشوفك بتملا العين وعاجبني لحد ماجاني فيك يوم وشُوفت حَرقة قلبي عليك وصابني ماصابني حنين صوتك كمان موتك وحسك وهمسك في قلب البيت مزلزل كل مافيا وراعبني وراهبني ومنين اجيب زيك في يوم ياابني شهيدي وحتة من وَريدي الغدر طالك وجالك وراح الضَي من عيني وإيه غيرك يواسيني ومين غيرك يعوضني كُنت الكريم ياابني وخيرك لغيرك وكل عمايلك فيك تِحَبِّبني بتقول رايح على الجَنَّة فيها هَتتهنى طب فايتني لمين ومين فيها يصاحبني هتاخد مني ضي العين وتعمى العيون الاتنين وتبقى حسرتي عليك ويفضل هَمِّي راكبني متمشيش وحدك وخليني معاك أكون وياك وقرَّبني حبيب قلبي حبيب روحي وبغيابك يطول نُوحي وفُرَاقَك يغَرَّبني حبيبي ومتفُوتنيش هنا وحدي عشان الوحد هتقتلني وتغلبني خُدني معاك لهناك ولا تجيبني وتسقيني من نهرك كوثر وترويني عسل بتقطَّر ومن لبن كمان أكتر وخمر الجنة ولا تقصَّر عشانك عمرك ماتتأخر دا نهر الخير عمره معاك بيرضيني عليك ويطربني حبيب عيني وروح عيني دى نظرة في عيونك كانت تشبعني وتكفيني حبيبي ومين غيرك يراعيني ومين غيرك يراضيني ومن غيرك أهغمض أنا عيني حبيبي وضي الشمس ينطفي بعدك على جبيني حبيبي وطول عمرك ما يوم رفعت عنيك قُصاد عيني حبيبي ياريت عنك ماأتأخر عشانك واحشتني عنيك أكتر وطيبة القلب من قلبك وانتاةفي همي تواسيني حبيبي هتموت من بعدك كل حنيّة والمِراَعيَّة والمِِرَاضيّة منساش شوقك ولهفتك لِيَّا وانتا بتجري تقبلني في إديا ولما آخدك في أحضاني أشوف القلب كُله حِنيَّا كتير كنت أدعيلك بطُولت العُمر حبيبي فاكر صلاة الفجر واحنا ماشيين كدا صُحبة للجامع وكان قلبي كتير سامع ويصحى على صُوتك وانتا بترتل في قرآنك دواه بلسم بيشفي الجرح ويرمم واشوف قلبي عليك يرضى واشوفك وانتا ببتوضا بتدعي ربك إنه عن أبوك يرضا وياخدني حنان قلبك يدفيني وبرمش عنيك تغطيني وكل خطوة نمشيها بذكر الله تخليها تدخل علي الروح تطريها وروح روحك مصحباني وحمياني واشوفك وانتا بتدعي ربك يخليني وتجري الدمعة من عيني وتيجي عليا تناديني وحنان قبلك مراضيني وفي برد الشتا تاخدني بقلبك تخبيني حبيبي ومين غيرك من بعدك يصحيني ويطعمني ويسقيني حبيبي خدني معاك مقدرش اعيش بعدك دي العيشة من بعدك بتكويني حبيبي فُراقك نار وجمر ومرار فليه رايح مخليني صُوتك جوايا ولايفارق وفراقك صعب وصعب الصعب ناره تعذبني حبيبي فاكر أدانك وهو بيدخل قلبي ويطربني حبيبي من غير وجودك وكرمك وجُودك أشياء كتيرة تعذبني حياتي انتا ماليها وانتا سلوتي فيها ومن بعدك ازاي أكون فيها وانتا كنت فيها مِحَبِّبني وازاي ابات فيها والهم راكبني وكان شوقي فيها إليك يقربني وطيبة قلبك مني بتاخدني حبيبي هتوحشني كتير ياابني #محمد_صادق 2023/10/26 #النص_ملكية_خاصة_للمؤلف شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 