أهداء

إلى كل الأحفاد في العالم

دوشة عيال وجدو تعبان

جدو ياولاد

تعبان ومصدع جدا 

وده بينط وده بيفط

وده بيقلد 

كلب وبيهوهو وده 

بينونو نونوة القط

وكله بيزعق

في نفس واحد هرج 

ومرج وغاغة ورط

أسكت ياواد 

وأنت يا بت بطلوا زن

ودوشه ورقع وخبط 

صدعتوا 

دماغي بشقاوتكم 

وده يتشال ودي تتحط

دايما تعملوا 

على طول هيصة 

وهليلة وشقاوه ونط

ذاكر يالا 

واكتبي واجبك بدل

العفرته والشيل والحط

أكتبى 

واجبك وحسن خطك

خطك ولا نعكشة البط

وأرسم 

دايرة ومربع ومثلث

بالمسطرة ووصل الخط

أرسم مركب

وله مجداف وشراع 

ونخلة طارحه ع الشط 

وكمان 

كتاكيت جنب مامتهم

ووياهم ديك ووزة

          شاعر العامية / عبد المنعم حمدى رضوان