( كل يوم مسرحية) كلمات/صبري حسين
صدق اللي قال
الدنيا. اكبر مسرح
عليه الفن اشكال والوان
معاكي عشت مسرحية
نهايتها كانت مع بدايتها
بكل صدق
اعترف انك أديتي دورك بأتقان
لو بيدي
كنت منحتك اوسكار عن ادائك
الاداء اللي يفوق أداء أعظم فنان
دخلتي بكل نعومة
تسلحتي بكل أسلحة الانوثة
كل الكلام برقة
اتقنتي دور الضحية
اللي عايشة مظلومة
دايما مقهورة
كنت رأئعة
في دور اللي بدور علي الحنية
اللي بتحلم أنها تلاقي الاهتمام
كل اللي محتاجه تشعر بالاحترام
طول حياتها محرومة من الغرام
الفت وأخرجت ومثلت المسرحية
بجد أن برفع لك القبعة
علي أداء ادوراك بكل إتقان
انت أعظم فنان
علي الكره الأرضية
عندك قدرة عظيمة
علي أداء كل الأدوار
بتجيدي اللعب بالمشاعر
تعرفي ازاي تكسري الخاطر
معقولة تكوني من بني الإنسان
ده انت تعلمي الشيطان
كل لحظة حكاية جديدة
قصة حديدة
انا حياتي حزينة
عايشة مظلومة
طول عمري مقهورة
عمري ما سمعت كلمة حلوة
صدقت كلامك
ياليت ما صدقتك
عمري ما كنت اشك
في طيبتك وسمو اخلاقك
انا بعترف
انك فعلا لعبت بي
ضحكت علي
الغلطة غلطتي
اني مشيت ورا قلبي
حطيت الف قفل علي عقلي
فرحت بمعسول كلامك
صعب علي ضعفك
كنت ابكي عليك
لما كنت اسمع قصة قهرك
قلبي كان بيدعو علي اللي ظلمك
اتاريها كانت مسرحية
مثلتيها بكل براعة
بهنيك من كل قلبي
عايز اطمنك
عمري ما هاعيش دور المظلومية
عمري ما اكون ضحية
الحياة مسرحية
مرة ترجدايا ومرة كوميدية
الايام دول
يوم لك. ويوم لي
زي ماضحكت علي
بكره تلاقي اللي يضحك عليك
بس وقتها مفيش حد هيصدق انك ضحية
مش هتلاقي اللي يمسح دموعك
الكل هيقف هيتفرج عليك
فاكرين المشهد ده من مشاهد المسرحية
صدقيني عمري ما اتمني لك الأذية
مع انك اكبر مؤذية
حطمتي قلبي
نزلت دمعي
روحي اختاري ضحية جديدة
عيشي عليه دور المظلومية
مثلي عليه نفس المسرحية
انا مظلومة
عايشة مقهورة
من الحب والحنان محرومة
كلامك عجبني
شدني اليك
حبيتك من كل قلبي
نفس سيناريو المسرحية
بتمثليه علي كل ضحية
اتنزعت من قلبك الرحمة
ادمنت الأذية
ماتت جواك الانسانية
المهم انك تعيشي دور الضحية
صبري حسين
ترانيم بحة الناي 