////////++يافضالة++////////
انت الكاملة والمكمولة
ياك لوطا لبحر والعالية
ف عيون الناس يامقبولة
يافضالة ياسوار البالية
ويدان وا ماتتخبة عليا
والبسمة بالطيب مبشورة
شمس ساطعة طالعة مرضية
صورة ياك بيها مشهورة
غابات كل عصفور بنغامو
شوفة فيك ماتسخا بربيع
وحدايق تسرد احلامو
واليوم غادية بالخطوة سريع
امساجد تسمعنا تكبير
ومعامل ياك تكبر وتزيد
افضالة فيها خير وخير
مازالة ف طريقها تكسر قيد
انت الولفة خالقة محبة
انت القلب الحامل كل طيب
ياك نت الحسن يامجدبة
وانت مغيثية وكل حبيب
يابرادعية حرودية
في حضنك وتزولي لهموم
كل مافيك زين يازناتية
وتفاجيها على كل مغموم
بقلم صقر الحروف الزجال المحجوب بوسبولة
ترانيم بحة الناي 