روبابيكيا قلوب 

أنا دي بأعلي صوتي روبابيكيا 

قلوب تعبانه من وجع السنين

 أو عقل تاه لسه جاي 

أو ضمير لسه واجع صاحبه

وعمال يفكره كل شويه 

بالأصول والكلام الكبير 

ال يعني سيادته عايش

 لوحده في دنيا المغفلين 

ما أنت شايف الكل عمال يقلب

  ياخد بكلتا يداه لا فارق معاه 

غلط صح المهم رصيده يكبر 

أقول تاني روبيكيا للبيع 

معاي قلوب فرز تاني 

لا هيتعبك ولا يكلمك تاني

نايم من زمن طويل 

لا شاغل نفسه بحاجه 

لا مين زرع ولا مين حصد 

ولا مين باع واشتري 

حتي المواجع ملوش فيه 

مادام هو مزاج حلو 

يبقي ليه يبكي وينوح 

كل ما يشوف مسكين 

أو حد نايم في الطريق

بيلتحف بالسما وعشاه 

كسرت خبز ناشفه

 أما الغموس شوية مايه 

روبابيكيا قلوب

لا فيه قطع غيار 

كله بقي فرز تاني 

من يشتري من يبيع 

زمن وجع السنين و الأهات 

في زمن فيه المزاد مفتوح

كله يبيع كله من غير تمن 

عشان كده بقي كله روبابيكيا 

أكرم كبشة