بياع الاونطى

 

بياع الاونطى شاطر 

تجارته حلو الكلام

 

 ماينوبك يا صاحبي

 من بعته الا الملام

 

استايل وشيك ومقنع

 ويبع لك الاوهام

 

وكلامه يخلب ويسحر 

شغلته يبع الكلام 

 

رقاق وناباتى وكمنجي

الآتي وكلامه أنغام

 

تسمع كلامه تطير لفوق

وتعيش مع الاحلام

 

غاوي وبيقول غناوي

تسمعه تقول يا سلام

 

فريز يعرف ينقي هدفه

 صانيعي بجد وهمام

 

ذكى بيصطاد فريسته

ويمسكها من اللجام

 

ويحكم سيطرته عليها

 في غاية الاحكام

 

 متمرس في النصب

 اسطى ويأخد وسام

 

بنصح والنصح واجب 

من بياعين الآحلام 

 

         شاعر العامية /عبد المنعم حمدي رضوان 

                                 (شاعر الواقع)