…… ياريتني أكون عصفور …….
**************************
ولا خير في المايو ولا في يونيو
ولا بردو في طوبة ولا أمشير
أيامنا مشابهة لبعضيها
والأرض خلاص صبحت بور
نصحى من النجمة عشان لقمة
متعاصى هباب أو صرصور ؟
ونلف في دايره لهاش أخر
ومغمي عنينا أبو بربور ؟
كبقر بيلف هنا في ساقية
وبيحلب خيره الأمور
الدنيا خلاص بقيت وحشه
ولا خير لافى توشكى ولاعبور
عجباني طيور أنا وعشتها
وياريتني أكون يوم عصفور
أنعم وبعيشة الحرية
طول عمري وأبيت مجبور
وأودع للحزن وعيلته
والهم يفارق ويغور
والفرح يهل بأولاده
وتتبدل ليالينا سرور
بقلم ياسر فؤاد الجدي
الجمعة .. ٢/٦/٢٠٢٣
ترانيم بحة الناي 