شميسة
علاش يا الشميسة تغربي
فكل نهار بالخف
مني ومن الحباب تهربي
واش مقلقينك ولا ما نعرف
انا نبغيك تظلي من قلبي
نعاودليك لي فيه ونكشف
خليك شوية ما تزربي
إحساسي بوجودك ما يتوصف
انت خالقك ومصورك ربي
وانا ربي بيا يا لالا مكلف
فكل عام كتجي وتغيبي
وانا بحرارتك وبك مولف
مرة عاطياني بوجه مرة تقلبي
ما عرفتك علاش كتسيف
خليك معاي ومني ما تغضبي
وعلميني كيف نتصرف
الريح لي جاي من جهتك شرقي
ما هو غربي
غير كيهب كلشي كينشف
خليك زوينة اجي وجيبي
معك الدفا ليا للشجر والعزف
ولوجه المرا ما تعيبي
ما تنشفيه ما يبان فيه كلف
اجي ضوي ونوريلي دربي
باش يتقاد الكتف مع الكتف.
خديجة باحو
/
ترانيم بحة الناي 