هزليات وبنتها هزل

…………………….. 

 

قالوا زمان في المثل

 

 يامصاحب هزل

 

طريقك كله فشل

 

بح الكلام وانتهى

 

معدش حاجة تتقال

 

هزل في كل حاجة

 

عمال على بطال

 

فكهاني خضري جزار

 

وزيد عليهم البقال

 

 بالدلع بيمشي الحال

 

حتى الدوراررر في العالي

 

والله سعره خيال

 

مية وكهربا وغاز

 

ومنين يسدد بطل الابطال

 

طلبات البيت وحش كابوس

 

هو المنحوس هيمسك فلوس

 

لكن اوامر أم العيال

 

كله خلطبيطة زمبليطة

 

مولد سيدي بن العبيطه

 

الغالي قليل والرخيص أرطال

 

حتى أغاني هزل بموال

 

لو خيل الحياة

 

محتاجة فارس

 

بيني وبينكم 

 

فكرت نفسي الخيال

 

وافوق من الحلم

 

ألاقي كله ضرب ضرب

 

بدون شتيمة نحت مثال

 

وكل يوم أشوف اهوال

 

لا أنا عارف أعيش حياة الفهد

 

ولا حتى الضبع في الترحال

 

ولا حتى أجاري هزل

 

لما الواحد جاله هزال

 

شكلها هنفضل نلف

 

والحال هيفضل علي دي الحال

 

وادلعي ياهزل عيشي يا غزال

 

بقلم الضاحك الباكي بلال هشهش بيلا مصر

25/5/2023