صباح الخير يا حبيبتي يا مصر
مش كلمة آهي وخلاص
دي مشاعر صادرة من قلي
يذوب عشق ومليان إحساس
ودي حقيقة زي ما انت مصر
وده نبض وعطر وانفاس
باقولها لك انت حصر
وازينها بذهب والماس
يا تحفة جميلة وثمينة
بأخبيها على عيون الناس
يا نيلها يا جالب الخير
ويا اهرامها بالجيزة رواس
ويا سد عالي بأسوان
مش ممكن ابدا تنداس
ويا ترعة بين الغيطان
وفلاحة بأحلى لباس
ويا أقصر و وادي ملوكها
اثار حية تنبض يا ناس
ويا مصائف ويا احلى ميه
ومرجان يحير الغطاس
ويا تاريخ ومجد وحضارة
ويا حاضر مبني على اساس
ويا نويبع وذهب ويا طابا
ويا نخل وكاترين وراس
ويا معابر سيناء المحمية
برجال صعبين مراس
ويا مصر وراس بر و منشية
المكتضة دائما بالناس
وياوادي جديد ويا سيوة
ويا داخلة وخارجة وياناس
ويا ازهر وحسين و زينب
وجندول وفيشاوي وماس
ويا اداب وشعر وزجلية
ويا نجم وطه وعباس
وتحرير وروكسي وعباسية
وست زينب واشراف الناس
وست عيشة والقلعة والموسكي
ومكتبة المرسي ابو العباس
ولعيونك يا اسكندرية
اديني بأصبح وخلاص
ويشهد رب السماء عليا
حبك نبض اختلط بانفاس
صباحك سكر وشمس نقية
وناسك يكونوا اسعد ناس
ويحقق لكل مصري ومصرية
كل أمالهم من غير ياس
وتبقي يا مصر عزيزة قوية
يا امي بأقولها بكل إحساس
وليكي مني مليون تحية
وقبلة حب فاض وخلاص
واتمنى لك دوم يا بهية
تعيشي بعز مرفوعة الراس
وناسك يا حبيبتي وضي عينيه
يارب تحفظهم من الوسواس
اخواتي واهلي وكل حبايبي
ساكنين قلبي اعز الناس
صباح الخير يا حبيبتي يا مصر
مش كلمة بأقولها وخلاص
مشاعر ليبي في الصباحية
كتبها قلبي بكل إخلاص.
الهادي خليفة الصويعي/ ليبيا
ترانيم بحة الناي 