/كااااان حثى كااااان
————————/
( خسوف و كسوف علينا جاروا و الشمس والقمر
حكايةحكاية ألوان اتغيرت والناس تتعجب عجبا
مال القمر مالو………………مال الشمس اتبدل لونها
النجوم ودعت مجراها تنتظر أمر الله فالفلك )
(زجل)
كان حثى كان في غابر لزمان
خسوف وُكسوف علينا جاروا
سجلها التاريخ مكتوبة بالدم
*عار على جبين كل من شارك فيها.!
تحكي
تحكي
و اتنام نومتها باجفان مفتوحة
يا امسهرني الليل علاش بك انا.؟
قصة من قصص…..الف ليلة وليلة
قصة من قصص الف ليلة الحاضر
النهار ليل مظلوم اظلام…..واهرب
والليل ليل في ليل…..يا ويلنا منو
تحكي شهرزاد
تحكي شهرزاد
ارجع الدم امداد به كتبوا لحروف
احروف نارها تكوي من قَرًَب ليها
هكذا قال التاريخ سجل للجايين!
ما احشم ما خاف فضحاتو ليام!
هو :
*باع الغالي بالرخيص واقعد ايخمم.!
أيخمم بْلاَ تخمام مهموم ايفكر.!
يا ويل من ضرباتو يديه وابكى.!
ياك قالوا أو قلنا :
العين الي بكات تركبها االجلالة
صرنا ف ركنة محوزين واحبابي
تحكي بلا خاطر من يسمع ليها.!
بدموعها وردت لبيار االواكحة.!
تحكي
تحكي
واحنا في دار غفلون ناشطين
هذا اشطيح هذا ارديح بالدقة
والمسمار دقة على دقة
اوصل بنا يحرق قاعو.!
والكاس احلو يا….سيدي
الحشة واسبولة اكتامية
اداوا الزرع اداوا الزريعة
اداوا الدم لحمة و اعظم
اداوا لفدادن بَلٌِي فيها
خلاوا التبن و النخالة
خوات لمطامر لمواليها
اداوا الدرهم….والريال
و الساير ساير بنا يجري
يجري فين غادي بنا خويا
دخلوا لسواق رَتْعُوا فالرحبات.!
اشراونا بالدينار باعونا للنخاسة.!
تحكي
تحكي
واتنام نومة لمحير بالو دوام
كان حثى كان في غابر لزمان
خسوف وُكسوف علينا جاروا
سجلها التاريخ مكتوبة بحرف الدم.!
نقراها مرة نقرا عشرة وَاْنعيد نقرا.!
ملي جار علينا لعدو جار
اعرفنا الصديق من الغذار
اتحزمنا….بألف احزام
احزام الرجال القادرة.!
الشدة أاو لمحاين
درنا لجبال مخادع
درنا لحجر اامدافع
هزينا الروح عالكف
موت وحدة كاااينة
*قلنا هات أرى ما عندك يا صنديد.!
العابد عبد الريح : 20/04/2021
ملهمتي الفقيه بن صالح تكتب وتكتب
Bravo mon petit fils jad Abderrahim
ترانيم بحة الناي 