يلي هويتك سنين طويلة
وكنت عاملك زهرة جوه قلبي
وكل ليلة وكل يوم أرويها
بنبض قلبي
وأقول لنفسي جايز في يوم
أمد ايدي واقطف زهر حبي
ما هو أنا ال رعيتك سنين طويلة
مضلل عليك عشان تفتح
ولما كنت أشوفها حزينه
أجري بسرعة وارويها بدمع عيني
وعشق حبي
اخذها في حضني واطبط عليها
اتاري كنت أنا واهم ومخدوع في حبي
هي ليه بقت المشاعر رخيصة
بعتي السنين الطويلة
والمشاعر الجميلة
في مزاد كل ال فيه خشب
أو حجر أو حتي كانت دهب
المهم مين يدفع أعلي ثمن
ملعونة المشاعر ال يجي
من وراها حزن وندم
صحيح هو فيه ندم
لكن مش عشانك
ندم إني زرعتك جوه قلبي
وفضلت سنين طويلة مضلل عليك
هفتح عيوني علي الحقيقة
والخدعة الكبيرة
وانقل زهوري ومشاعري
في أرض جديدة
ارض كل ما ارمي فيها حبه
تلاقيها طرحه فل وورد
الورد فيها لونه روعة
منه أصفر ومنه احمر
ومنه لون البدر ابيض
وأنت خليك مع ال اشتراك
بالرخيص بكره يبيعك
زي ما اشتراك من غيرتمن
أكرم كبشة
ترانيم بحة الناي 
دام منبركم واحة ومنبرا للمثقفين والشعراء والكتاب العرب تحياتي للجميع
إعجابإعجاب