((ليه بقى))
ليه بقى..؟.
لما نسيتك زعلت مني
ما كنتش أتصور في يوم
انك تجني عليَّا وتخوني
وتاخدك مني أوهامك
تفوتني بحسرتي وتسبني
انت سبب هجري واللي غاصبني
أبيعك وابيع هواك
وانسى حبك وانساك
غصب عني ومش بخاطري
قصدك يعنيي.. تقتلني
طب ليه بقى.. جاي تعاتبني
حرام عليّا أنا !
هو انا اللي قتلت الهنا !
وجايلك عين تعاتبني وتلومني !
ده جرحك في قلبي أنا
وانت اللي ظالمني
من قد أيه كنا هنا
وحلفتلي أبداً.. ما تسبني
مهما حصل هتكونلي أنا.. عاشق وحاببني
مخلص ليَّا ولحبنا.. تحفظني وتصوني
كذبت ليه يا ترى
وليه وأيه اللي حصل مني
ده جرحك في قلبي أنا
عايش يكلمني
قصدك يعني تعذبني
طب ليه بقى.. جاي تعاتبني
ذنبي إني حبيتك وعشقتك
وأيوة صدقتك
واديتك فرصة تهزمني
غدرت بيّا وفوتني وجوايَّا كل اللي يألمني
جرحتني ومشيت دمرتني بدِال ما تنجدني
يوميها انت افتكرت.. اني انكسرت
وقادر تهجر وتنساني
وانك ليَّا مش راجع تاني
قصدك يعني تهدمني.. تموتني
عيني في عينك كده
تقدر تكذبني
طب ليه بقى.. جاي تعاتبني
أحمد الغرباوي
ترانيم بحة الناي 