…(الفجر عارف يومه)…
الأرض دي أرضي
فيها ومات جدي
والقدس دي حدي
ليها ف رقبتي ديون
الموت عشانها ميلاد
عايش عشانها الولاد
وشهيدها مالو حداد
يطلبها مهما يكون
من غزة نبت الرجال
وسلاح طويل البال
بيفوتوا وسط الجدار
من كل فج ولون
نجوم تعيش في سماه
من حبهم لله
ممنوع تقول الآه
للجنة تسعى عيون
شهيد يسلم شهيد
ووليد يسلم وليد
وحديد وشايل حديد
والأرض طرحه زاتون
زرع اليهود الشر
فيه كل شئ بيضر
حياة مافيها مفر
وربك يمد العون
هدوا البيوت والحواري
إغتالوا كل اللي آري
قلوبنا رافضة تداري
وباء وكان صهيون
حَمل النساء في رماح
إيمانه أقوى سلاح
على كل قلب سٕفاح
لو حتى نام في حصون
الفجر عارف يومه
والشمس طالعة تزينه
على أرض تحضن دينه
رافضة لأيها دون
ماسكين في ساعة القدر
على كل واحد غدر
والشر مهما انتشر
الخير وبس يدوم
ربك أرادنا هنا
لأنه بيحبنا رزقنا من حظنا
القدس من رزقنا
ولايوم ياخدها زبون
العسر بين يسرين
والجنة للصابرين
واحنا ف سداد الدين
مهما وكان ويكون
على صوت مدافعكوا ننام
طيرانكوا ناقصه علام
والقبة تعمل كام
وايه عندكم مضمون
بنشد يوم ورا يوم
الدين وقال معلوم
هي حكاية وقت
والفجر عارف اليوم
م الشمس تتداروا
وشجركوا كان ماله
يكشف في أسراره
ويسلم المفتون
الأرض دي أرضي
لو اموت عشان ارضي
وف يوم أنول غرضي
في المعنى والمضمون
……(شعر)…….
عبدالله السايح
ترانيم بحة الناي 