فتحت موبايله بالصدفة
لقيته لضمنا زى العقد
سوسو وشوشو ودودو وهايفا
ورسايل من رانيا وهند
وورود حمرا
وقلوب صفرا
وكلمات حب مالهاش عد
اتلجلج ووشه اصفر
واتلخبط قدامى واتخد
ووقف ساكت
وعيونه زاغت
مش لاقى لا جواب ولا رد
فجأة لقيتوا بيقوللى بود
أنا ماعرفش منهم حد
دول هما اللى عرفنى
وحبنى أباً عن جد
واحدة اما يتمشى تمد
والتانية على خدودها الورد
والتالتة فى الحب تريند
فجأة شرار من عينى اتمد
والشارع ضلم واسود
وموبايله على دماغه اتهد
وشالوه جثة من ع الأرض
وأما تيجى سيرته فى حتة
بيقولوا كان طيب بجد😃
سلوى محمود
ترانيم بحة الناي 