(افكار مجنونة) كلمات/صبري حسين
اوقات كتيرة
بتخطر علي بالي افكار مجنونة
واقول فيها ايه
لما اكتب اسمها
واعترف بحبي لها
واكتب بخط واضح
كلام مباشر وصريح
بحبك يا
هو الاسم هايزود ايه
ممكن تكون م ولا س ولا ص
ومن الجايز تكون ح ولا ن ولا ل
كلها حروف ممكن نكون منها اسامي
افكار مجنونة
بتخطر علي بالي
عايز اصرخ بصوت عالي
واقولها يا حبيبتي تعالي
مش بقولكم خلاص تعبت من نفسي
عايز اخرج عن صمتي
واكسر كل قيودي
نفسي ارسم صورتك
واعلقها في كل الميادين
واكتب تحتها دي صورة ست الحلوين
هي دي اللي بحبها بجنون
اللي قلبي وعقلي بها مفتون
عايز امارس الجنون
تعبت من التفكير الرصين
افكار كتيرة عندي
نفسي اقتل سكوتي
واصرخ بااعلي صوتي
واقول كل اللي في نفسي
من غير ما اداري واخبي
نفسي اكتب علي كل المواقع
اسمها وانشر صورتها واعلن اسمها
ليه دايما بنحط لنفسنا القيود
ونبني لروحنا ملايين من السدود
ونعمل لكل حاجة حدود
نفسي نبدا من جديد
ونخلق لنفسنا عالم سعيد
عالم مايعترفش بالسدود
ويحطم كل القيود
افكار كتيرة بترقص في راسي
افكار خطيرة
جايز تكون مجنونة
بس فيها كل الحقيقة
ايه اللي يمنع اني ابوح باسمها
واعلن للكل اني بحبها
كل منايا قربها
بعمل المستحيل لطلب ودها
نفسي انفذ افكاري
واخرج كل اللي في خيالي
نفسي احقق احلامي
واصرخ واقول بحبها بحبها
واقدر اردد اسمها
انا مجنون بحبها
نفسي اكمل حياتي جنبها
انا بقولها لها
هي حياتي كلها
صبري حسين
ه
ترانيم بحة الناي 