( أمي مصر )
هى أم لكل مصري
وهى برضه تبقى أمى
حبها عايش وحصرى
ف الوريد ويضخه دمى
هى مش أرض وخلاص
فيها هدمه وكام مداس
هى عشقى في الاساس
ناس كتير عاشوا عليها
اكلوا خيرها ماحسو بيها
طبطبت ياما عليهم
لعبوا بيها وباعوا فيها
دمعها يسيل من عينيها
يروى فدان ف الصحارى
يطرح القمح في ثوانى
تأكل إنت ولا أنت دارى
ياللى بعت مصر فووق
الحياه دي حبه
تحت وحبه فوق
ليه تملى تحب تاخد
ليه تملى الناس بتتعب
وإنت عايز تبقى فايز
ووقت شده تجرى تهرب
تحصد إنت ف الجوايز
إحنا شيلنا هموم زمان
إحنا كنا صمام أمان
إنتوا ليل أسود كئيب
إحنا شعاع ساعه شروق
إحنا اللي وقفنا الطلقه بصدورنا
لما انتوا اتداريتوا ف الشقوق
إحنا بكره وبعد بكره وبعد بعده
وإنتوا ماضى لازم يموت
سعيد الضو
ترانيم بحة الناي 