اياك تفكر إنك صغير
أو إنك في نظر الناس صغير
كل ال يشوفك لازم يفتكر
إنه كان حدانا في البلد
الناس تنام بعد العشا
ايدهم خشنه مشققه من التعب
بيناموا مهدودين بيضحكوا
رغم التعب رغم الشقي
كان حدانا في البلد
ناس بتصحي من الفجريه
مع عصافير بتسبح ربنا
وعربية بسيطة من خشب
تربط بهايم من ورا
كان حدانا في البلد
لو حد تعب البلد كلها تتقلب
لو مات الحزن مالي البلد
الكل يعزي وناس تجهز طعام
للجاي يعزي من بره البلد
ولو فيه فرح الكل واقف
من غير دعوه من غير قاعه
ما البلد بتبقي هي القاعه
كان فيه إحترام وأدب
الإبن لو كان استاذ
او حتي راچل بشنب
يقول أبوي فلان وخالتي
وعمي يوطي يبوس الأ يد
كان حدانا في البلد دار ودوار
ودرداره وطرنبة مايه حلوه
وضحكه حلوه وشوش بتعرف تبتسم
عواجيز تحكي ماضي السنين
وضحكه حلوه من القلب طالعه
ينادي عليك صباحك عسل
خلي عنك والعوافي
كان حدانا في البلد
أدب وخجل وتوقير للكبير
يا تري إيه ال حصل مع السنين
الله يرحم الناس ال عاشت
في الزمن الجميل
اكرم كبشة
ترانيم بحة الناي 
تحياتي وتقديري واحترامي للقائمين على هذا التكريم والاختيار والتوثيق والنشر ودام منبركم واحة للشعراء والأدباء والمفكرين والمثقفين العرب
إعجابإعجاب