غربه ودمع عين ( نص عامي)
****************
غربه ودمع عين ودمَه تهل
فراگك. يروحي بكلبي يفتل
بسّك ملامه اللوم يكتل
من تعتب تلوم شيفيدن
***
غربه ودمع عين وحزن داڰ
بوّاگ هذا الوكت بوّاگ
وشّلت صبري شلون يعراگ
وأيوب صبره وگوف ازيدن
***
غربه ودمع عين وسحن روح
مجروح من كل كتر مجروح
بس دجله طِب يداوي الجروح
بجروفه آني اغفه واهيدن
***
غربه ودمع عين وجفن رف
ماظل دمع كل الدمع شف
بس اسمع بطاريك ارجف
ابگه الهج حروفك واعيدن
**********
د محمد النعماني// العراق
ترانيم بحة الناي 