……….. مقتل شيرين ………
الفرق مابين شيرين
وبين شهداء جنين
أو بين شهداء حماس
وزعيمها الشيخ ياسين
وبين نساء رجال
بين أغصان الزيتون
وشباب ورجال اسود
وبنات سود العيون
الفرق ماهوش كبير
أبدا ياموحدين
اللي بسلاحه واقف
أسد وأرضه العرين
وان ضحى بروحه ترخص
لله وقرأن حكيم
واللي بينقل لصورة
من غزة ومن جنين
زيه زي المرابط
في القدس وفي الخليل
مسلم أو كان مسيحي
شركا بوطن حزين
أحتله يهودي غاصب
راحل لو بعد حين
والدين ده حسابه عند
رحمن وكمان رحيم
يارب النصر نصرك
فانصر لمجاهدين
وارحم لشيرين وغيرها
يارب العالمين
الفرق ماهوش كبير
ده الحق وده اليقين
وده رأيي ولو خالفني
فيه كل المسلمين
بقلم .. ياسر فؤاد الجدي ..السبت .. ١٤/٥/٢٠٢٢
في ذكرى رحيلها أهدي الي روحها والي كل شهدائنا تلك الكلمات ..
ترانيم بحة الناي 