جمال صناعي
فجاءة كده أصبحت
عيون بنات
العرب خضرة وزرقة
والعيون السود اللي
ياما غنوا
لها بقت مش مناسبة
واما الحواجب شالوها
شيل ودقوا
بدالها تاتو ورسمة
المناخير المبرطشة
صغروها
ونمنموها متقولش نبقة
والشعور كلها بقت
سارحة وطويلة
وعملوا لها وصلة
والشعور السوده كخة
صبغوها
على كل لون وصبغة
كل الشفايف بقت
مفرطحة ومكلبظة
ومنفخوة نفخة
والخدود ما شاء الله
مليانة على
الآخر ومدكوكة دكة
الجمال كله صناعي
والحريم عايزه
تبقي نانسي وهيفا
غيروا خلقة ربنا ولعبوا
فيها
بمناسبة وبدون مناسبة
اللي عدى عليها قطر
الزمن عايزه
ترجع حلوة وشابة
هات ياشد وشفط
ويخرطوها لأجل
تبقى الجثة مزة
كله زينة وكله عيرة
مالها خلقة
ربنا خلقته فضل ونعمة
حقك تتجملي وتتزيني
بس
اختاري الحاجة المناسبة
شاعر العامية/ عبد المنعم حمدى رضوان
ترانيم بحة الناي 