…… طيب سلام ؟ …….

************************

مش تمام ياللي بتسأل 

حالي فعلا مش تمام 

محتاجين مبلغ وقدره 

نص ميت ألف بكمال 

لأجل اصب السقف عندي 

واودع الصيف وزكام  

والعيال يبقوا معايا 

وتحت عيني ده الكلام 

وافتح لمشروع فى بيتي 

أي مشروع والسلام 

حاجه تعمل دخل لينا 

ترضي لينا والمدام 

آدي حالي قولي أنت 

ممكن تسلفني كام 

جاني صوته بعد كحه 

ورده كان .. طيب سلام ؟؟ 

ليه بتسأل عني طيب 

قولي ليه ياابن الحلال 

دي الشدايد والمواقف 

ياما بتبين عيال 

كنا مغرورين وفيهم 

طلعوا أشباه للرجال  

بردوا بتبين وتفرز  

الرجال مين والعظام ..

بقلم .. ياسر فؤاد الجدي  

الأربعاء .. ١٠/٥/٢٠٢٣