،،،،،،،،،(الجهل والجاه)،،،،،،،،،
الجهل له عرش موزون
ديما يلاقي ذبون
في أي مكان تروح
موجود كتير في الكون
ايد واحده مع بعضهم
وبجهل كان زرعهم
فيهم ضمير للبيع
ويحسنوا سعيهم
مصالح كتير بتلم
بالنصب أو بالسلم
يغرقوا في بحر الطغاه
وبسرعة وصلوا الحلم
جاهل مايعرف شئ
والجهل يبقى طريق
فجأة ويطلع فوق
من بحر فيه وغريق
في دنيا حكمها المال
ومصالح طريقها شمال
لايعرف وطن ولادين
يوصل يكون فعال
يحفظ قانون الطغاه
يوصل لجبل الجاه
يبقى مثل اعلى
ويقدموه للحياة
اما الغني بعلمه
الكل بيزمه
ولايوم وراح همه
ماشي وشايل أساه
وان بان ضمير معلوم
الكل ينزل لوم
في بطن الهموم بيدوم
مرمي ماحد نداه
دنيا بدون مقاييس
العلم فيها رخيص
والدين طريق متعاعيس
والبلطجي ما احلاه
تسرق بعقل تهيص
يجري وراك إبليس
يتعب تضيع في هويس
ويموت وحلمه معاه
العدل أصبح دون
في ميزانه مات معدوم
وفقير عليه ويهون
والجهل مصلحناه
وفقيرنا مهما يكون
ديما يعيش مطحون
ويدهسه مجنون
تافه وماله معاه
بفلوسه داس ع الكل
يربط ووحده يحل
يرفع ولحظة يذل
حاسس بإنه إله
الجهل مكناه
ف كل شئ تلقاه
أصبح سما لحياة
عشان فلوس ترعاه
بقى كل شئ بالمال
وضمير ومش شغال
والمال في إيد أندال
والفقر ورثناه
……(شعر)…….
عبدالله السايح
ترانيم بحة الناي 