شريط الذكريات

 

لما يمر 

شريط الذكريات

واقعد أفكر في سنين 

عمري اللي فات

 

وافتكر

كل ما كان في رحلتي 

من الالام والجراح

 ومن الاهات

 

متسجله 

جوه نفسي

على حيطة الوجع 

حكايات ورا حكايات

 

أتذكر 

اللي شفته وعشته 

في كل مشوار الحياة

وأصبح ذكريات

 

عمر ما 

فيه شيء يتنسي

أو جرح طاب أو أنه

 كان ذكرى و مات

 

تنزل 

دموع على الخدين

حراقة وتصحى الجراح

ويعم السكات

 

احنا

 بنضحك على نفسنا 

ونقول هنبدا من جديد 

وتنسي ما فات

 

      شاعر العامية/ عبد المنعم حمدي رضوان