………( الدبله )………

مهما غبتي أو بعدتي

شمس تشرق في حياتي

في النهار تبقي حبيبتي

في الليالي تعيشي ذاتي

جيبتي عمري وعندي سيبتي

قلب نبضه في اللي آتي

عشق تتنفس مدينتي

تستمد الروح حياتها في ذكرياتي

مرسى رسيت يوم سفينتي

والحمولة فيها كانت من آهاتي

بإبتسامة جيتي ميلتي 

يومها شيلتي الحموله بقلب فاتي

قلب طفله من طفولتي

والعواصف كات غرام من غير كلام

دفة وسط الموج وكنتي

بحر هايج موجه يرفض يوم ينام

بين شطوط الإبتسام 

حلم عايش به حلمتي

من شعاع الشمس غزلتي توبك

من ليالي الهمس كات دروبك

في العيون سكنك ونمتي

بين شفايفي كلمة تستنى الرجوع

فوق خدودي حزن ترويه الدموع

بين ضلوعي قلب عايشه فيه وأمنتي

انت الهوى والروح والعشق والمعشوق

لو روحت فين ما اروح صورتك وجوه العين

من يوم غيابك وجع والدمع ع الخدين

وجعك وصاب الوجع مستني تيجي أروق

العهد كلم عهودك بيشوفها واصله لفين

مستني يوم جودك والقلب منه يدوق

أصل الزمن طاغي خايف على القلبين

مستني في دراعي ايدك ونطلع فوق

عايش مع صراعي وحنين وشوق عايشين 

يا كل أتباعي زمنك وامتى يفوق

الدبلة في صباعي لكن ناقصها شروق

 ودنيا من صنعنا فيها الغرام سلطان

يحكم على اللي عشق.. العشق شمس وطوق 

مستحيل تتسرق ولا أرضها بشقوق

خضار في طرحها وقلوب تبص لفوق

بتوحد الخالق على حبه للمخلوق

……………..( شعر )……………

          عبدالله السايح