…. حصاد القمح ….

********************

موسم حصاد القمح 

والخلق شغاله  

في عز حر الصيف 

وفى عز قياله 

قاموا وشدوا الحيل 

رجاله مش عاله 

حصدو اللي زرعوه هنا 

بأيدين وشقيانه  

على المناجل وماسكه 

ماقالتش حرانه 

القمح زاد للبيت 

والتبن طواله 

تاكله بهايم لنا 

والساقيه دواره 

أحلى المناظر هنا 

خضرة ونخيل ياما 

والوجه برضوا الحسن 

موجود هنا حدانا 

والميه شرب وري 

وبارئنا مولانا 

يجبر خاطرنا وخاطرهم 

دي الخلق عشمانه 

في رغيف يسد الجوع 

مع هدمه سترانا ..

بقلم .. ياسر فؤاد الجدي 

السبت .. ٢٩/٤/٢٠٢٣