ولعله خير 

بتضيق تضيق ويفرجها القدير 

والأزمة بعد الأزمة بتقوِّي 

وتفضل بعدها حر وكبير .

يمكن تعبت وشفت ويل ومرار 

من كترة المشاوير .

يمكن بكيت وصبرت صبر جبال 

وكان عذابي مرير .

لكني مؤمن إن رب الكون معايه 

وهييجي يوم وافرح كتير .

 

كان ليّا صاحب كل سِرِّي معاه 

فاكرو ملاك 

مؤمن بأنه أمين .

باعني ببلاش وكشف لكل الناس

حياتي 

أجيب لنفسي حبيب منين .

الدنيا دوّارة وأنا تايه 

مليش غير ربي 

رب العالمين .

يا رب تجبر خاطري وتهوّن همومي

وقلبي بس يقول : آمين 

تعبت 

أيوه تعبت من الخاينين .

الكدّابين الحاقدين 

طب ليه ف وِشِّي بيضحكوا 

ولمّا أمشي يجيبوا سيرتي

 بالوِحِشْ

دول همّازين 

أصل النفاق له ناسه برضه 

الشمتنين . 

أصل الندالة كأنها متفصّلة 

على كل واحد مِنُّـهم 

الأفَّاقين .

خدوا عمري كله بس ألاقي 

بين الناس 

واحد أمين

 

بقلم الشاعر السيد العبد

تاريخ/٢٧/٤/٢٠٢٣

الساعة الخامسة

واثنين وأربعين دقيقة