……..( على حافة الشتات )……..        

قومي بقى وارمي حزنك من ثباته

قربي يوم اللقى وانقذي قلب وصفاته

إلبسي توب الحقية وارفعي سيفك بقى

انت أقوى من الزمن من معجزاته

إيه يفيد الحزن على كل اللي راح

غير نزيف من بعيد يملا الجراح

والصديد نار بتاكل في المتاح

يعني حرب والزمن سانن ألاته

الضعف مش توبك ولا كان على مقاسك

مين لبسك روبك واغتال حراسك

خليك نوة قوية وتهز في حواسك

وإيد طويلة عفية تختار في كاساته

إوعي حزنك يغلبك يركب هواك

أوهمومه تدوبك تبقى دواك

أو عذابه يعذبك يحجب رؤاك

خلي بالك م العواصف يعلا موجك وبآهاته

إرمي عينك ع البعيد خلي حَملك يوم جديد

يبقى أملك الوليد حتى لو حزنك في عيد

جددي قلبك يذيد مهما اقول لك أو أعيد

انت وحدك تقدري تجري في حراته

هو فيه حد توبه م الإيمان 

والزنوب مالهاش مكان

لما قَدَر الحزن يوصل ع الزمان

بسهولة يحفر يوم مماته

لما خلقك ربنا كان معاك نعمة النسيان

لما قدرك كان كدا لحظة مابان

لما حزنك إمتلك كل الكيان 

إبكي حزنك واحزني بس لساعاته

نفسي اشوف قوتك مركب في وسط الحزن نور

خلي ديما كلمتك شكر ربك دفتك فيها تدور

بدلي ماء البحور مهما كان القلب بور

نهر قلبك للزهور يروي أرضك طول حياته

قومي يالا خلي نور الشمس يرجع للحياة

خلي دمي في العروق يوصل مداه

خلي نبضي يلقى قلبه أصله تاه

خلي الجسد يلقى روحه وسط وجعه وذكرياته

 عيشي لاجلي وماتعيشيش ولاحتى ليك

انت عارفه ان حياتي عايشه فيك

مستحيل تبقى الحياة من غير عينيك

منتظر قلبي لقلبك لجل يرجع من شتاته

              ……….( شعر )……..        

                 عبدالله السايح