احساس اتمنيته…بقلم الشاعر صبري حسين 27 أفريل، 2023 بواسطة souadchahidai ( احساس اتمنيته)كلمات/صبري حسين حلم ولا علم مش قادر افرق لاحساسي لازم اصدق أيوة حسيت أوي بيها عيوني شافتها ايدي لمست ايديها سمعت صوتها أيوة بكل جوراحي حسيت بيها افتح عيني انادي عليها يرد صدي صوتي علي مين بتنادي بنادي علي حبي حلم عمري اللي سهران معاه ليلاتي من شوية كانت بتكلمني سامعها بتقول انت واحشني ايدي كانت حاضنة ايديها كنا بنضحك سوا لسه صوتها بيرن في أذني شامم ريحة عطرها كانت هنا من ثواني بقرا لها كلماتي رأسها علي صدري بتسمع نبض قلبي فاهمة معني كل نبضة تسمع وابتسامتها عمرها ما فارقتها طول قعدتنا ايدي لسه حاسة بايديها مكان رأسها لسه معلم علي صدري معقولة يكون حلم ياليت من حلمي ما اصحي حلم ولا علم مش قادر افرق لاحساسي هفضل مصدق احساس يا ما اتمنيته يا ما حلمت اني أعيشه حلم ولا. علم الله اعلم احساس جميل عشته صبري حسين شارك هذا الموضوع: المشاركة على X (فتح في نافذة جديدة) X شارك على فيس بوك (فتح في نافذة جديدة) فيس بوك إعجاب تحميل... مرتبط
ترانيم بحة الناي 