من قلب الدنيا الغدارة 

ودموع البعد المحتارة 

بابعتلك ياحبيبى سلام 

بيواسى روحى المنهارة 

 

وبطمنك على حبايبك 

وأصحابك وكل قرايبك 

مش ناسيين ضحكك ومجايبك 

ولا هلتك كل زيارة 

 

الكل زعلان على بعدك 

ونسيوا الفرح من بعدك 

الجنة نصيبك ووعدك 

واحنا اللى عايشين بخسارة 

 

وحشة الدنيا مافيهاش كلام 

وف بعدك انتحر الغرام 

عايشة وحدة وحزن وآلام 

والخوف ظنونه جبارة 

 

الإمضاء : سلوى حبيبتك ❤️

 

سلوى محمود